Das isch ä
gäbigi Website

Für wär isch das guet?

So ä gäbigi Website isch die perfekti digitali Visitächartä, we du:

• Vo Bärn und Umgäbig bisch
• ä eigeti Praxis, äs Atelier oder ä Werkstatt hesch
• mit Kunscht, Musik oder Handwärch underwägs bisch
• ä lokali Beiz, Coiffeur-Salon oder ä Praxis führsch
• dis Projekt, Verein oder ä gueti Idee wosch sichtbar mache
• ä chlini oder mittleri Firma hesch, wo ä gäbigi Websitä brucht

Wieso eifach, wes o kompliziert gieng?

Ig fingä eifacher isch besser aus kompliziert.

Je meh dasmä uf sini Websitä duet, desto meh muesmä drzue luegä. Sachä wie News, Aktuelles oder ä Blog muesmä ständig aktuell hautä;
schüsch isches nid für viu.

Rubrikä wie "Geschichte" oder "äs ahgfangings Lexikon über dis Fachgebiet"; chame zwar machä, aber we das söu guet cho, isches richtig viu Büetz.

Interessant hingägä isch:

• Was dä machsch
• Was dä chasch
• Und wie mi di cha erreiche

Nid so wichtig si Flosklä, PR-Sprach oder ob dini Budä im 1985gi ä neui Baggerschufle kouft het.

Eifacher isch ä Sitä, wo aus het wos brucht, aber wodä nid ständig muesch dr zue luegä. Das isch gäbig.

Was berchumi da eigentlech aus?

Ä gäbigi Websitä isch eifach ei einzigi Sitä, wo aues druff isch, womä über di und dis Produkt oder dini Dienschtleischtig muess wüssä. Si isch so, wie si isch, brucht chum bis gar kei Wartig und gseht guet us.

Dass das klappet hiufä ig dir mit:

• uswählä was aus uf d'Site muess
• und was nid
• wichtigä Ahmäudige wie z.B. Google buisiness
• dr Impressumspflicht und dr Datäschutzerklärig
• professionelli Grafik oder Fotinä i Uftrag gä
• aunä angere Sachä woni hie nid ufzeut ha

Wie u wo dini Stitä gspicheret isch

Ig schaffä mit Infomaniak, ä Schwizer Firma wo Rächnigscenter betribt. Die hei äs eigets Cloud-Produkt namens kSuite. Das isch ähnläch wie Dropbox, aber 100 % Schwiz und ahständig. Technisch isch das ufem höchschte Niveau, mit top Datäschutz und Sicherheit.

D’Basisversion isch gratis und extrem gäbig. Ig empfilä das, wüu i säuber drmit schaffä und ou nüt bessers ha gfungä. We du dert dini Internet-Adrässä registriersch, choschtet das bi ärä .ch -Adrässe knapp 6 Stutz im Jahr – aso ä 50zgi im Monet.

S’Webhosting-Abo chasch ou näh, aber für ä gäbigi Websitä bruchts das nid. Mit derä Lösig hesch ä chlini, gäbigi Website gratis (chliner als 10 MB - Das längt locker für soöpis). Für ä gröseri Sach brüchtmä de haut o äs größers Hosting, das würd aber mind. 120.– pro Jahr usmache.

Was ig dir ahbietä, isch eifach, gäbig und – abgseh vo mirä Zyt – quasi gratis.

Wie viu choschtet das?

Die ehrlechi Antwort:
Äs chunnt druf ah.

Die gäbigi Antwort:
So ab 500 Stutz bisch drbi.

Schribsch mr am beschtä äs Mail:
ig-wett@gaebigi.website
Und de chöimer das bimenä Käfeli oder so besprächä – natürlich unverbintlech u äs choschtät di nüt.

Ja, ig wett so Öpis – Wie louft das gnau?

Am beschtä schickschmer äs Mail
ig-wett@gaebigi.website

Dört chaschmer schribä, was du dir äso vorsteusch. Villäch schicksch mir dr Text, äs Biud, äs Logo oder Öpis, wos scho git. We dä nüt hesch, hiufä ig dir gärn bim zämästeuä oder schribe.

Ig luege mir das ah und würd mi när bi dir mäudä. Mir machä ä Termin, zum Details besprächä. När machä ig dir dini Sitä und due aues vorbereitä. Du luegsch drüber und i passä no äs paar Änderigswünsch ah.

Am Schluss überchunsch du dini gäbigi Websitä - dis digitalä Visitächärtli, womä cha ga luegä wär du bisch, was du machsch und wimä di cha erreiche.

Zusätzläch giz no ä chlini Schuelig zu:

• Z’wichtigschtä zum Thema Sicherheit am Computer und im Internet
• Wie du mit denä Sachä am beschtä umgeisch, woni dir ha gä

Wedä aber meh wettisch oder öppis wosch ändärä, bini natürlich für di da - oder ig zeigädr, wie das ou säuber könntisch machä.
ig-wett@gaebigi.website